HOME ORGANIZATION MISSION ARTICLES/ARCHIVES NEWS/LINKS PRESS RELEASES RADIO PHOTO GELLARY FEEDBACK CONTACT US Afaan Oromoo	PRESS RELEASES July 23, 2007 Hoogganni, qondaalonnii fi miseensonni AWO USA, Awurooppaa fi Canada, irraa walitti dhufanii xiinxalaa fi toowuu adeemsa hojii AWO kan bara tareetii fi dalagaawwan haga ammaa jiran, milkii fi gammachuu, gufuu fi qormaata keessa dabree godhuudhaan ejjannoolee armaan gadii dabarsanii jiran. 1. injifannoolee gama siyaasaa, waraanaatii fi hawaasummaatiin yeroo gabaabaa keessatti AWOn argamsiise, dacha dacha akka ta’u miseensi AWO bakka jirutti waardiyyaa dhaaba isaatii fi wabii ummata Oromoo ta’uudhaaf irra deebinee akkuma kaleessaa irbuu seenna 2. harqoota gabrummaa jala jirruu fi abbaa biyyummaa ilmaan habashaatiin dhaalamne, deebinee gonfachuuf miseensi AWO hundi dammaqiinsaan woreegama gama hundaatiif uf qopheessuudhaan aadii armaan dura seenne haarawoomsinee jirra 3. Ummanni Oromoo kan biyyaa fi ala jirus, mirga abbaa biyyummaa dafee gonfachuu fi diina nu nyaataa jira umrii gabaabsuudhaaf, golaa fi gollichoo, golgaa fi dawoo qabsaawota AWOtiif godhu waamicha lammummaa goonaaf 4. buttaa ykn aggaammii qabsoo ilmaan Oromoo kolaasuu, faaydaa ummata keennaatiif jecha humnoota keessaa fi alaa irraa jabeennaan tiksina 5. qabsoon walabummaa Oromiyaa, AWOn geggeeffamu, mana keessa osoo hintaane diina kallachaa irratti xiyyeeffatee halkaniif guyyaa hojjataa jirra. Humnoonni Oromoodhaaf qabsaayan kan birootis, fakkeenna AWO kan fudhachuudhaan, qabeenna ummataatii fi yeroo isaanii dhaaba walabaa qancanrsuuf oolchuu dhiisanii gara dalagaa diina mancaasuutitti akka fula deeffatan akeekkachiifna 6. Amaaraa fi Tigreen amala gaararruummaa fi jibbaansa hadhaawaa ummata Kush, keessaahuu Oromoodhaaf qaban irratti tokko. Garaa garummaa fedhii aangoo malee, kayoon isaanii fuula lama saantima takkaati. Kanaafuu haga waraanni humna koloneeffataa habashaa Oromiyaa quphatee jirutti AWOn qabsoo isaa kan hidhannoo uduu addaan hinkutin itti sufa 7. waraanni nafxanyaa Tigree, Oromiyaa qorgee, ummata Oromoo salphisee, namaa gaditti irra deemaa jiru, Oromiyaa gad-dhiisanii akka gara biyya ufii Tigraayitti dacha’an irra deebinee jabeessinee akeekkachiifna 8. Murni saamtuun woyyaanee mootummaa Tophiyaa ufiin jettu Oromiyaa bira tartee, biyya ollaa Somalia keessa seentee, ummata Oromootii fi ummata Somalia kumaatammatti laakkayamu meeshaalee qabeenna Oromootiin bitteen lafa irraa duguuguudhaan biyya gubaa jirti. Gocha diinummaa gara jabeennaa kana hatattamaan akka dhaabdu, adhaa fi boru osoo hinjenne biyya walabaa Somalia gad dhiiftee akka baatu hadheeffannee akeekkachiifna 9. Murni gita bittuu Woyyaannee, dhooggaa takka malee daangaa biyyoota walabaa ce’uun Oromoota cunqursaa jalaa baqatanii Sudan, Djibouti, Kenyaa fi Yemen keessa quphatan irratti gaaga’ama hamaa geessaa jira. Humnoonni dhala namoomaa naannawa Afrikaa bayaatii fi jiddu galeessa bayaa keessa socho’an, red cross, Amnesty international fi Human rights watch, miidha kana saaxilanii, irkoo barbaachisu baqatottoota Oromootii akka godhaniif gaafanna 10. humnoonni habashaa wal-diddaa hundee akka hinqabne, dalagaa heera ufii baafatanii fi walabummaa sirna seeraa cabsuudhaan, osoo hidhamtoonni Oromoo, haqa ufiitiif qabsaayan bara dheeraadhaaf mana hidhaa keessatti shaman, humnoota qindoomminnaa (qinjit) gad dhiisuun raga guddaadha. Kanaafuu Oromoonni tokkummaa toftaatiin sobamtanii moonaa diina moofaa fi haarawaa seentan, akka gara qabsoo haqaa tan AWOn geegeffamtutitti makamtan waamichaa isinii goona 11. Murni gita bittuu mootummaa habashaa Tigreen, hidhamtoota siyaasaa Oromootii fi miseensota Maccaa fi Tuulamaa adhaaf boru osoo hinjenne akka gad dhiiftu cimsinee akeekkachiifna 12. Tokkummaan humna, tokkummaaf jecha gabroomuun garuu harrummaa. Kanaafuu, ummanni tokkummaaf jecha, haqa ufii jallisu, lamaanuu hin argatu. AWOn tokkummaa humnoota Oromoo dalagaadhaan akka mirkaneessu, THBOn akka galma gayuu fi guddinni isaa saffisu, uf qusannoo tokko malee, hojjanna 13. murni gita bittuu Tigree, malaa fi haala xaxamaa ummata keenna diinaggeen gad qabee hiyyoomsu henna gara hennaatti diriirsaa jira. Qabeenna Oromiyaa gara biyya ufii fe’ataa jira. Kun ammoo haala jibbisiisaa boru, ummatoota lamaan jiddutti diinummaa dhuma hinqabne habaqaalaa waan jiruuf murni woyyaanee hatattamaan gocha isaanii kana irraa dhaabatan akeekkachiifna 14. humnoonni addunyyaallee, mootummaa gabroomfataa cubbuudhaan ummata oromoo fixaa jiru gargaaruu irraa uf qusattanii, sirni kolonii dachii irraa baduun isaa walabummaa Oromiyaatiin akka mirkanaayu danda’u gargaarsa barbaachisa akka gootan yaadachiifna 15. dargaggoon shamarran, hojjaataan, barataa fi daldalaan akkasumas qotee bulaan Oromoo, tuffii fi gadi qabaa, cunqursaa fi duguuggaa akkasumas saamichi qabeenna Oromoo dhaabatee, nafxanyaa fi gita bittuun woyyaanee umriin akka gabaabbatu godhuuf qooda keessan gumaachuuf waamicha Kallacha qabsoo Walabummaa Oromiyaa AWOn isinii godhuuf deebii barbaachisu haala boonsaa ta’een akka kennitan waamicha isinii goona Oromiyaan Ni Walaboomti AWO	SOME FACTS The Oromo make up over 40 million out of the present 75 million population of the Ethiopian Empire The Front for Independence of Oromia(FIO) has no intent of using violent means as far as Abyssinians are willing to relinquish their occupation by peaceful means from all Oromian territories. Ecologically and Agriculturally, Oromia is the richest region in the Horn of Africa. Live Stock products, coffee, oil seeds, spices, mineral resources and world wild life are all abundant and diverse.